पोलिसानी १३,४१२ रुपये किमतीचे मद्य आणि मिनी डोअर ही केला जप्त
अमळनेर (प्रतिनिधी ) मिनी डोअर मधून अवैध देशी विदेशी मद्याची तस्करी करणार्‍या एकाला अटक करून १३,४१२ रुपये किमतीचे मद्य जप्त करण्यात आले आहे. अमळनेर पोलिसांनी १ ऑगस्ट रोजी केली.
याबाबत अधिक माहिती अशी की, १ ऑगस्ट रोजी सकाळी पोलीस निरीक्षक जयपाल हिरे यांना गोपनीय माहिती मिळाली होती. त्यानंतर अमळनेर पोलीस स्टेशनचे अंमलदार सुनिल कौतिक हाटकर , दिपक विसावे , हितेश चिंचोरे , भुषण बाविस्कर , राहूल चव्हाण यांचे पथक तयार करुन धुळे रोडवरुन (एम एच – १८ – टी – ७६०) हे तीन चाकी वाहन पकडून पाच बॉक्स देशी व विदेशी दारु जप्त केली. याप्रकरणी प्रविण हिंमत कापडणे (वय -३५ वर्षे , रा . जानवे ता . अमळनेर) याला अटक करण्यात आली.
तर १३,४१२ रूपयांची देशी व विदेशी दारु आणि ५५,००० रुपये किमतीची मिनी डोअर असा ६८४१२ रुपये किंमतीचा मुद्देमाल आरोपींच्या ताब्यातून जप्त करण्यात आला आहे . त्यांच्यावर अमळनेर पो.स्टे . महाराष्ट्र दारुबंदी अधिनियम सन १ ९ ४ ९ चे कलम ६५ ( अ ) व ( ई ) प्रमाणे गुन्हा दाखल करण्यात आला असून तपास पोना अलोक साबळे हे करीत आहेत .
